Болгарияның ішкі істер министрі Атанас Илков пен Румынияның ішкі істер министрі Кэтэлин Предою Дунай көпіріндегі шекаралық бақылау бекетінде Шенген аймағында еркін қозғалу құқығын ресми түрде ашты, деп хабарлайды El.kz ақпарат агенттігі.
Енді бұл екі елдің 25 миллион тұрғыны Шенген аймағында еркін қозғала алатын Еуропалық Одақтың 450 миллион азаматына қосылады.
Екі ел Еуропалық Одаққа 18 жыл бұрын кірген болатын, ал Шенген аймағына қосылу бойынша келіссөздер 2011 жылы басталған еді.
Түркиямен шектесетін Болгария шекарасы енді ЕО-ның сыртқы шекарасы ғана емес, сонымен бірге Шенген аймағының сыртқы шекарасы да болады. 2 қаңтардан бастап бұл шекараны ЕО елдерінен келген 100 полицейден құралған бірлескен контингент күзетеді.
