Аустралияда Қазақстан құрамасы қатысқан United Cup турнирінің жеңімпазы анықталды.
Финалда АҚШ және Польша командалары бас жүлдені сарапқа салды. Алдымен әлемнің 3-ракеткасы, америкалық Кори Гауфф рейтингіде екінші орында тұрған Ига Швентекті 6:4, 6:4 есебімен тізе бүктірді.
Бұдан кейін әлемнің 4-ракеткасы, америкалық Тейлор Фриц аса тартысты матчта рейтингіде 16-сатыдағы Хуберт Хуркачты қапы қалдырды - 6:4, 5:7, 7:6 (7:4).
Осылайша, 2:0 есебімен жеңіске жеткен АҚШ құрамасы 2025 жылғы United Cup жарысының чемпионы атанды.
Польша теннисшілері екінші жыл қатарынан финалда ұтылып қалды.
Осы аралас командалық жарысқа екінші рет қатысқан Қазақстан құрамасы жартылай финалға дейін жетті. Онда Польшаға жол берді. Ширек финалда қазақстандықтар өткен жылғы чемпион Германияны ұтты.
Бұл туралы kaz.inform.kz жазды.
