Қасым-Жомарт Тоқаев Президент Әкімшілігі Басшысының бірінші орынбасары Дархан Сатыбалдыны қабылдады. Президент кездесу барысында алдымен оның Түркістан облысында атқарған жұмысына жоғары баға берді. Сондай-ақ, Қасым-Жомарт Тоқаев Президент Әкімшілігі Басшысының бірінші орынбасары лауазымын енгізудегі мақсатына тоқталды. Яғни, басқару процесі мен аймақтар арасындағы ықпалдастықты жетілдіру, өзінің тапсырмалары мен шешімдерінің жергілікті жерде орындалу барысына бақылауды күшейту, сондай-ақ қабылданған шаралардың сапасын жақсартып, азаматтардың мемлекеттік институттарға сенімін нығайту екенін айтты. Бұдан бөлек, Президент Әкімшілігі Басшысының бірінші орынбасарына нақты міндеттер жүктелді.
