«Павлодар-Алматы» бағытына қатынайтын жаңа пойыз жолға шықты. Теміржол көлігі бір уақытта 400-ден астам жолаушыны тасымалдай алады. Жаңа вагондарда жолаушыларға қажетті барлық жағдай жасалған. Вагондар отандық өнім. Петропавлдағы «ЗИКСТО» ЖШС-де жасалынған.
Алма Раушанова - алғашқы жолаушылардың бірі. Алматы қаласында тұрады. Екі ортаға жиі қатынайтындықтан пойыздардың жағдайын да жақсы біледі. Ескі вагондардың, әсіресе, жазғы уақытта ыңғайсыздық тудыратынын айтады. Өйткені, онда салқындатқыш жүйесі атымен жоқ.
АЛМА РАУШАНОВА, ЖОЛАУШЫ:
Ол кезде ыстық болатын. Қазір рахат. Адамға ыңғай жасап қойған. Ыстық болса, салқындатып тұрады. Баламен жүреді, үлкен кісілер жүреді. Бәрі ыңғайсыз ғой терлеп тепшіп дегендей қаншама халық отырады. Енді мынау өте керемет жағдай жасап отыр. Өте ыңғайлы екен жаңадан ашылған пойыз. Іші кең, жататын орны бар. Болашақта одан жақсы болады деп ойлаймыз. Егеменді еліміз өсе берсін!
Жаңа пойыз халықаралық талапқа сай жасалынған. Ішінде жолаушыларға қажеттінің бәрі бар. Әр жолаушының жатар орнына жеке бас тіреуіш, жарықшамы, смартфондарды қуаттауға арналған құрылғылар орнатылған. Ал мүмкіндігі шектеулі азаматтар үшін тіптен қолайлы.
ӘНУАР АХМЕТЖАНОВ, «ҚАЗАҚСТАН ТЕМІР ЖОЛЫ» ҰЛТТЫҚ КОМПАНИЯСЫ» АҚ БАСҚАРМА ТӨРАҒАСЫНЫҢ ОРЫНБАСАРЫ, «ЖОЛАУШЫЛАР ТАСЫМАЛЫ» АҚ БАС ДИРЕКТОРЫ:
Биотуалеті бар ішінде. Жылыту және салқындату жүйелері орнатылған. Толығымен әрбір вагонда осындай жүйелер бар. Қосымша розетка, USB порттар бар. Жалпы заманауи вагондар. Әрбір составтың ішінде мүмкіншіліктері шеутеулі жандарға ерекше купе бар. Оның іші осы азаматтарға қолайлы жағдай туғызады.
«Қазақстан темір жолы» ұлттық компаниясы алдағы 5 жылда вагондар паркін толығымен жаңартпақ. Соңғы 2 жылда 300-ден астам вагон сатып алды. Оның 50 вагон осы «Павлодар-Алматы» бағытына жөнелтілді. Вагондар Петропавл қаласында жасалынған отандық өнім. Жаңа пойыздардың келуі билет тапшылығын да жоймақ.
ӘНУАР АХМЕТЖАНОВ, «ҚАЗАҚСТАН ТЕМІР ЖОЛЫ» ҰЛТТЫҚ КОМПАНИЯСЫ» АҚ БАСҚАРМА ТӨРАҒАСЫНЫҢ ОРЫНБАСАРЫ, «ЖОЛАУШЫЛАР ТАСЫМАЛЫ» АҚ БАС ДИРЕКТОРЫ:
Жазғы кезде сұраныс өте көп болады. Осы стандартты вагондарға көшкеннен кейін осы шаруаны шешуге толық мүмкіншілік береді. Өйткені, қосымша вагондарды қосуға болады. Сондықтан 1 рейспен 700 адамға дейін тасымалдауға мүмкіншілік туғызады бізге.
2030 жылға дейін тағы 537 вагон сатып алынбақ. Бұл жолаушыларға қолайлы жағдай жасауға мүмкіндік береді. Әрі тасымалдау көлемін арттыруға да септігін тигізбек.
