Павлодарда жантүршігерлік жол апатынан 3 адам қаза тапты. Оқыс оқиға «Павлодар-Семей» тас жолында болған. «Kia sportage» көлігінің жүргізушісі қар тазалаушы техниканы басып озбақ болып, қарсы жолаққа шыққан кезде «КаМАЗ» жүк көлігімен бетпе-бет соғылған. Салдарынан көлік жүргізушісі мен 2 жолаушы оқиға орнында көз жұмды. Апаттан тағы бір адам зардап шекті. Қазір істің мән-жайын полиция тергеп жатыр.
ЖАННА БІЛӘЛОВА, ОБЛЫСТЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:
Жол көлік оқиғасы бойынша қылмыстық іс қозғалды. Жарақаттармен ауруханаға жолаушысы жатқызылды. Автокөліктер арнайы тұраққа қойылды.
