Лос-Анджелес округінде болған өрт салдарынан кемінде 16 адам қаза тапты, деп хабарлады жергілікті билік.
Округ шерифі Роберт Луна бұған дейін 11 адамның көз жұмғанын және 13 адамның із-түзсіз жоғалғанын мәлімдеген еді.
Метеорологтардың айтуынша, өрттің жылдам таралуына құрғақ ауа райы мен қатты жел әсер еткен. Калифорния өрт сөндіру қызметінің мәліметінше, өрттің жалпы ауданы 15,5 мың гектарды қамтыды.
Қызыл жалын 12,3 мыңнан астам ғимаратты, оның ішінде танымал адамдардың үйлерін де шарпыған. Зардап шеккендер арасында АҚШ президенті Джо Байденнің ұлы Хантер, актриса және модель Пэрис Хилтон, сондай-ақ актер әрі режиссер Мел Гибсон бар.
