Астанада полиция ер адамды есірткімен ұстады, - деп хабарлайды Massaget.kz тілшісі.
Есірткі қылмысына қарсы іс-қимыл басқармасының қызметкерлері 46 жастағы ер адамды есірткі сақтады деген күдікпен ұстады.
Оның көлігін тінту кезінде алдыңғы жолаушылар орындығынан сөмке табылды, ішінде өсімдік тектес сұр-жасыл түсті заты бар 21 байлам болған.
Тінту ұсталған адамның тұрғылықты жерінде де жалғасты. Балконнан, шкафтан тағы осындай екі пакет табылды.
"Сараптама тәркіленген заттың гашиш екенін растады", - деп жазылған хабарламада.
Күдікті уақытша ұстау изоляторына қамалды. Тергеу жалғасып жатыр.
