Италияда Дүниежүзілік қысқы Универсиада басталды. Елімізден аттанған 103 спортшы 10 күн бойы 10 спорт түрі бойынша бақ сынайды. Дүниежүзілік доданың басыннан-ақ жерлестеріміз жеңіс пен жеңілістің дәмін қатар татты. Ірі есептер де тіркелді. Спорттағы жаңалықтармен әріптесім Айбек Салдатбек толығырақ таныстырады.
Италияның Турин қаласында 13-ші Дүниежүзілік қысқы Универсиада басталды. Додаға 57 елден шамамен 2000 студент-спортшы қатысуда. Ә дегеннен-ақ хоккейден Қазақстан ерлер құрамасы Швецияға қарсы ойында камбэк жасап, 21 секунд ішінде 2 шайба соқты. 0 де 2 есебімен ұтылып жатқан ұлттық құрама қарсылас қақпасынан 9 мәрте саңылау тауып, ірі есеппен жеңіске жетті.
Ал қыздарымыз керісінше, Жапониядан ойсырай ұтылды. Бірінші кезеңде-ақ қақпамызға жауапсыз 4 шайба дарыды. Одан кейінгі екі таймда да жапондықтар аяған жоқ. Ойын қорытындысы бойынша ұлттық құрама 10 да 0 есебімен жеңілді. Енді бұрымдылар Чехия мен АҚШ-пен бақ сынасады.
Ірі есеп хоккейде ғана емес, футболдағы супер финалда да тіркелді. Реал Мадрид және Барселона арасындағы матчта 7 голдың куәсі болдық. Кездесудің 5-ші минутында Мбаппе есепті ашқанымен, каталониялықтар қатарынан 5 гол соқты. Корольдық клуб тек 60-шы минутта айып добын сәтті орындай алды. Матч Барселона пайдасына 2 де 5 есебімен аяқталды.
