Ал Лос-Анджелестегі алапат өрт әлі ауыздықталған жоқ. Табиғи апаттан келген шығын артып жатыр. Алдын ала болжам бойынша, шығын мөлшері 275 миллиард долларға жетті. Қызыл жалын салдарынан 24 адам қаза тапты. Онға жуық азамат іс-түссіз жоғалып кетті. 12 мыңнан астам ғимарат зардап шекті. Қатты жел тілсіз жаумен күресті қиындата түсуде. Алдағы уақытта дауыл күшеюі мүмкін. Оңтүстік Калифорнияны шарпыған жойқын орман өрті АҚШ-тың қазіргі тарихындағы ең үлкен экономикалық зиян келтірген табиғи апат болмақ.
ГЭВИН НЬЮСОМ, КАЛИФОРНИЯ ШТАТЫНЫҢ ГУБЕРНАТОРЫ:
Өрттің нақты себебі анықталып жатыр. Дауыл мен қатты желден бөлек өрттің шығуына не әсер еткені жөнінде әзірге ешкімде толық түсінік жоқ. Оңтүстік Калифорнияда биылғы қаңтар өте құрғақ екенін де ескерген жөн. Азаматтар өрттің кесірінен мүлкінен, бизнесінен айырылды. Біз зардап шеккендерге үміт сыйлап, өмірлерін қалпына келтіруіміз қажет.
