Қонаев-Алматы тас жолында 18 көлік соқтығысты. Жол апатына қалың тұманда жүргізушілердің қауіпсіз арақашықтықты сақтамауы мен жылдамдықты асыруы себеп болған. Абырой болғанда, зардап шеккендер жоқ. Апатқа ұшыраған автомобильдер жолдан толық шығарылып, қозғалыс қалыпқа келтірілді.
СӘКЕН ДІЛДАХМЕТ, "ҚАЗАВТОЖОЛ" ҰК РЕСМИ ӨКІЛІ:
Жалпы жол бірінші А техникалық санатқа жатады. 6 жолақты. Жолдың беті таза, мұз қатпаған, ақаусыз және басқа да дефектісіз. Полиция департаменті қызметкерлері осы жол көлік оқиғасына қатысқан адамдарды рәсімдеп, енді өздері толыққанды себебі мен салдарын анықтайтын болады.
