Павлодарда «Таза Қазақстан» акциясы аясында "Jasyl school" атты экологиялық шара өтті. Сайысқа студенттер және оқушылардан құралған командалар қатысты. Олар 3 кезең бойынша өзара бақ сынады. Бірінші кезеңде экологияға қатысты сұрақтарға жауап берсе, екінші кезеңде пайдаға жаратылған бөтелке, қағаз, қорап секілді заттарға «екінші өмір» сыйлады. Яғни, қағаздан түрлі бұйымдар жасады. Ал үшінші кезеңде табиғатты қорғауды насихаттайтын суреттер салды.
НҰРХАН ЕРАЛЫ, СТУДЕНТ:
Қазір әлемнің өзінде экологиялық проблемалар болып жатыр. Ал біз осының шешімін тапқандай боламыз. Сондықтан да осындай іс шаралар көптеп керек. Себебі, біз әрбір адамнан экологиялық адалдықты, экологиялық сауаттылықты арттырмасақ. Біз экологиялық проблемаларды ешқашан шеше алмаймыз деп ойлаймын.
