Елордада 200-ге жуық оқушы диплом алып, мамандық иесі атанбақ. Яғни, таңертең мектепте сабақ оқитын оқушы түстен кейін қайта кәсіби білім беретін арнайы оқу орнына барып білім алады. Пилоттық жоба аясында үш мемлекеттік колледж таңдалған.
Гүлназ пәндік сабақтарымен қатар техникалық колледже тігінші мамандығын қатар алып жүр. Мектеп бітірген соң аттестат пен дипломға ие болады.
ГҮЛНАЗ БІРЛІК, №90 МЕКТЕП-ГИМНАЗИЯСЫНЫҢ ОҚУШЫСЫ:
Оқу барысында мен лекала сызуды, пәшуді және түрлі бұйымдар жасауды үйрендім. Оның ішінде өзіме пальто, футболка, шаблар, юбка тігуді үйрендім. Маған осы тігін саласы ұнайды себебі кішкентайымнан бұл салаға қызыққан едім.
Ал Нұрасыл автомеханик болады. Колледже құрал-сайман мен аспаптарға диагностика жүргізіп, оның техникалық күйін бақылау сынды күрделі жұмыстарды үйренуде.
НҰРАСЫЛ ТЕМІРБЕКОВ, М.ЖҰМАБАЕВ АТЫНДАҒЫ №65 МЕКТЕП-ГИМНАЗИЯСЫНЫҢ ОҚУШЫСЫ:
Бұл мамандық өзіме ұнайды. Бұл мамандық ішінде көптеген қызықтарды көрдік. Өз болашағымды көре аламын. Мамандықтың ішінде үйренген заттарды ГРМ, ДВЗ тағы басқа автокөлік бөлшектерін құрастырып үйрендік.
Биыл 300-ден астам оқушы колледждерде қосымша түрлі мамандықтар бойынша оқып жатыр.
АҚМАРАЛ ХОН, ҚАЛАЛЫҚ БІЛІМ БАСҚАРМАСЫ ТЕХНИКАЛЫҚ ЖӘНЕ КӘСІПТІК БІЛІМ БЕРУ БӨЛІМІНІҢ БАСШЫСЫ:
Мектепте оқитын бала түске дейін мектепте білім алады. Түстен кейін колледжге барып кәсіби білім алды. Міне 1,5 жыл бұл оқушылар жақсы оқып, кәсіби мамандықты игеріп,бұл балалардың үлгерімі жан-жақты қадағаланды.
Еске салайық, пилоттық жоба 2023 жылы іске қосылған. Мамыр айында жобаның алғашқы білім алушыларына диплом табысталады.
