Пайда ойлаған кәсіпкерлердің кесірінен оралдықтар тегін жағажайдан айрылды. Заңды айналып өткен екі компания Жайық өзені жағасының топырағын заңсыз қазып, жасыл желекті баудай түсірген. Бұл сұмдыққа қарсы шыққан табиғат жанашырлары құзырлы органдардан көмек сұрап отыр. Олардың айтуынша, соңғы кездері жағалаудың топырағын тиеген жүк көліктерінің қозғалысы жиілеген. Бұдан қоршаған ортаға келер зиян орасан. Жасыл желек азайып, өзге де тіршілік иелеріне залалын тигізеді. Әрі су жағасын кеніш ретінде игеруге заңмен тыйым салыныпты. Бірақ мұны кәсіпкерлер ескермеген. Тіпті жер қазу үшін Жайық-Каспий бассейні инспекциясының рұқсатын да алмапты. Олардың кім екенін анықтап, жауапқа тартқан полиция жиналған деректерді жер қатынастары басқармасына беріпті. Енді табиғат жанашырлары жағажайды сақтап, саябаққа айналдыруды ұсынады.
ДАРХАН САРИЕВ, БАТЫС ҚАЗАҚСТАН ЭКОЛОГИЯЛЫҚ-ГЕОГРАФИЯЛЫҚ ҚОҒАМДЫҚ БІРЛЕСТІГІНІҢ ТӨРАҒАСЫ:
Төбе шашың тік тұрады. Неге десеңіз бұл осындай бір өрескел заңбұзушылықпен кім айналысып жатыр, кім оған жол беріп жатыр? Вот сол мәселелерді біз қойып жатырмыз. Ол жер баяғыдан бері халықтың суға түсетін жері. Тегін пляж былай айтқанда. Қалада негізі тегін пляж жоқ. Тек құм өндіретін кісілердің ғана пайдасын көздемей, қарапайым халықтың пайдасын ойлау керек.
