Қазақ спортшыларын дәріптейтін қазақ тіліндегі комикс жарық көрді. Ерекше жанрдағы туындылар Париж Олимпиадасының жүлдегерлеріне арналған. Бес кітаптың қос авторы Аслан Қаженов пен Азамат Әбілқайыр онда "Қазақ чемпиондарының" балалық шағы мен спорттағы жолдарын шынайы жазыпты. Айтуларынша, комикстер балаларға түсінікті тілде болғандықтан, олардың батырларды жақын тануына кең мүмкіндік береді.
АСЛАН ҚАЖЕНОВ, КІТАП АВТОРЫ:
Балалар, жасөспірімдер көріп, қызығып, бірі залға келіп жатса, бірі жетістігін жақсартып жатса, болмаса болашақта олардан Әлем чемпиондары шығып жатса теңіздің тамшысындай үлес қоссақ сол біздің миссиямыздың орындалғаны деп ойлаймын. Мыңдаған дана шығарып, осы Елордадағы және еліміздегі спорт мектептері бар, орталықтары бар, соларға таратқымыз келеді.
АЗАМАТ ӘБІЛҚАЙЫР, КІТАП АВТОРЫ:
Қазіргі қазақ әдебиетімізде комикс жанры өте кенже қалған жанрлардың бірі. Сол олқылықтың орнын толтыру мақсатында Спорт қоырының қолдауымен балалар әдібиетіне осындай комикс жанрындағы 5 кітапты жазып шықтық. Әріп танымайтын адамның өзі де оқиғаны суреттерінен-ақ түсінетінуге болатындай қылып жеткіздік.
