Елордада тұңғыш рет халықаралық Жәутіков Олимпиадасы өткізілді. Математика, физика және информатика пәндері бойынша ұйымдастырылған сайысқа алыс-жақын шетелден 700 оқушы қатысты. Алғыр, дарынды балалар сайдың тасындай іріктелген жарыс тартысты бәсекеге толы болды. Нәтижесінде, 149 қатысушы үздік үштікті қорытындылады. 100 жүлдегер күміс алқа тақса, 69 бірінші орын иеленді. Командалық сайыста ресейлік командалар алдыңғы қатардан көрінді. Алматы қаласындағы Республикалық физика-математикалық мектеп 3 орын жеңіп алды. Айта кетейік, 21-ші рет ұйымдастырылған Жәутіков Олимпиадасы осыған дейін Алматыда өткізілген.
ҒАЖДЕМБЕК ТҰРСЫНОВ, «ДАРЫН» РЕСПУБЛИКАЛЫҚ ҒЫЛЫМИ-ПРАКТИКАЛЫҚ ОРТАЛЫҒЫНЫҢ ДИРЕКТОРЫ:
Қазақстанның әр облысы осы сайысқа команда жіберген кезде өзінің іріктеу сайысын өткізді. Шет мемлекеттер де өздерінің Ұлттық іріктеу турнирлерін ұйымдастырып, тек ең үздіктерін жіберді. Осы олимпиадада жеңімпаз болған шетелдік оқушылар өз елдерінде Жоғары Оқу Орындарына грантқа түсулеріне мүмкіндік бар.
