Сол үшін тәртіп сақшысы айыппұл төлеуге мәжбүр болды.
Әлеуметтік желіде патрульдік полиция автокөлігінің жүргізушісі жол ережесін өрескел бұзғаны түсірілген видео тарады.
Облыстық полиция департаментінде @Pavlodarnews.kz ақпараттық агенттігінің жолдаған ресми сауал хатына Екібастұз қаласының көшелерін «Chevrolet Cobalt» жұмыс көлігімен ведомствоға қарасты патрульдік полиция ротасының инспекторы, полиция капитаны Сенбаев аралап жүргенін хабарлады. Ол қызмет барысында көлікті тоқтату немесе қою ережелерін сақтамауға байланысты жол қозғалысы ережесін бұзған.
– Капитанға қатысты ҚР ӘҚБтК-нің 597-бабының бірінші бөлігі бойынша әкімшілік хаттама толтырылып, 19 660 теңге айыппұл салынды, – деді департаментте.
Полицей айыппұлды төледі.
