АҚШ-та жаңадан сайланған президент Дональд Трампты ұлықтау рәсіміне 8 мың сарбаз тартылды. Маңызды іс-шараға сондай-ақ 40 штаттан 4 мыңға жуық полицей шақырылған.
Вашингтондағы Ұлттық өнер галереясының жанына қауіпсіздік белдеуі жасалды. Әскерилер көлік қозғалысы мен метро бекеттерін бақылап тұр. АҚШ-тың 47-ші президентін ұлықтау рәсімі жергілікті уақыт бойынша 12:00-де өтеді.
Бұл Астана уақыты бойынша кешкі сағат он. Іс-шараға 250 мыңға жуық адам жиналады деген болжам бар,-деп хабарлайды 24.kz.
