Cанаулы сағаттардан соң АҚШ-тың 47-ші президенті Дональд Трамп өз қызметіне кіріседі. Ол Американы қайтадан ұлы елге айналдырмақ. Ол ұлықтау рәсімінен кейін бірнеше құжатқа қол қоймақ. Трамп заңсыз мигранттардың "шабуылды" тоқтатуға уәде берді. Газадағы бітім туралы келісімге және TikTok әлеуметтік желісіне де мән бермек.
ДОНАЛЬД ТРАМП, АҚШ ПРЕЗИДЕНТІ:
4 жылға созылған америкалық құлдырау дәуірін аяқтап, біз абырой мен мақтаныштың мүлде жаңа тарауын бастаймыз.
Ұлықтау рәсімі Астана уақытымен сағат 22:00-де өтеді. Қауіпсіздікті қамтамасыз ету үшін 8 мың сарбаз тартылған. Сонымен қатар 40 штаттан 4 мыңға жуық тәртіп сақшысы шақырылды. Шараға 250 мыңға жуық адам жиналады деген болжам бар.
