Астанада еріктілер тазалық қызметкерлеріне бауырсақ пен ыстық шәй таратты. Осылайша арқаның сарышұнақ аязында жақсы көңіл-күй сыйлап, көпшілікті қуантты. Қайырымдылық шарасы "Таза Қазақстан" акциясы аясында ұйымдастырылды. Ал, тазалық қызметкерлері қолдау көрсетіп жатқан жандарға алғыстарын білдірді.
АЙНАГҮЛ ИСЛАМҒАЛИҚЫЗЫ, "АСТАНА-ЗЕЛЕНСТРОЙ" ЖШС ҚЫЗМЕТКЕРІ:
Осындай қыстың аязында, суығында бізге азда болса көмектеріңіз беріп шәймен жылытып жатқандарыңызға рақмет! Осы мынау қызмет істеп жүрген қыз-жігіттер барлықтарыңызға алғысымыз зор.
ҚАЙСАР ҚҰЛХОЖАҚЫМЕТ, ВОЛОНТЕР:
Біз 10 волонтер боламыз. Қаланы таза ұстайтын қызметкерлерге қаламызды таза ұстап жүргені үшін алғыс айтудамыз. Және біз оған қарамастан жалғыз басты зейнеткерлерге көмектесеміз.
