Қостанай қаласында автобус ішінде 61 жастағы ер адам әйелді ұрып, жанжал тудырды. Бұл туралы Қазақстан Республикасы Ішкі істер министрлігінің ресми интернет-ресурсы жазды, деп хабарлайды Azattyq Rýhy.
Маршруттық автобустардың бірінде ер адам белгісіз себеппен әйелге қол жұмсаған. Бұл жағдайға куә болған жолаушылар жәбірленушіні қорғауға тырысып, жанжалға араласқан.
«Оқиға орнына келген құқық қорғау органдарының қызметкерлері 61 жастағы ер адамды ұстап, тергеу жұмыстарын бастады. Қазіргі уақытта ер адамның іс-әрекеті бойынша «бұзақылық» фактісімен сотқа дейінгі тергеу жұмыстары жүргізіліп жатыр», — делінген хабарламада.
