Батыс Қазақстан облысында абақтыдан босап шыққан 359 адамның 26-сы ғана жұмысқа орналасқан. Қалғандары екі қолға бір күрек іздеп, жұмыссыз жүр. Темір тордан босап шыққандардың тағдыры «AMANAT» партиясы жанындағы отбасы және халықты әлеуметтік қорғау мәселелері жөніндегі аймақтық кеңесте талқыланды. Мамандардың айтуынша, сотталғандарды жұмыспен қамту қиын. Өйткені көбісінің құжаты түгел емес немесе меңгерген мамандығы жұмыс берушінің талабына сай келмейді. Әрі бұрын істі болған адамға көбі үрке қарайды.
САҒЫНДЫҚ ӨТЕШҚАЛИЕВ, БҚО ҚАЖД БАСТЫҒЫНЫҢ ОРЫНБАСАРЫ:
Көп органдарда анықтама сұрайды, бұрын сотты болды ма, сотталмаған ба, сол себептер бар. Енді мына ТОО болсын, АО болсын, біздерде осындай талаптар бар. Соның кесірінен біз жұмысқа кірісе алмаймыз деген сұрақтар туындайды.
ТАМАРА НӘБИҚЫЗЫ. «AMANAT» ПАРТИЯСЫ БҚОФ ЖАНЫНДАҒЫ ОТБАСЫ ЖӘНЕ ХАЛЫҚТЫ ӘЛЕУМЕТТІК ҚОРҒАУ МӘСЕЛЕЛЕРІ ЖӨНІНДЕГІ АЙМАҚТЫҚ КЕҢЕСТІҢ МҮШЕСІ:
Тәрбие дұрыс берілмегендіктен, осындай үлкен құқықбұзушылықтарға балалар барады. Одан кейін олар сотталады, одан кейін қайтадан келіп мына өмірге бейімделуі өте қиын нәрсе. Тәрбие дұрыс берілсе осы болмас еді деп ойлаймын.
