Қазақстан ұлттық құрамасының бас бапкері Станислав Черчесов ақыры қызметінен кетіп тынды. Жалғыз кеткен жоқ, толық жаттықтырушы штаб онымен бірге жұмыспен қоштасты. Осы және өзге де спорт жаңалықтарымен толығырақ әріптесім Айбек Салдатбек таныстырады.
Армысыздар! Сүйінші! Лондондық "Челси" "Қайраттың" 16 жастағы шабуылшысы Дастан Сәтпаевті қатарына қосты. Ойыншы 4 млн еуроға бағаланып, отандық футбол тарихында бұрын-соңды болмаған баға тіркелді. 5 жылдық келісімшарт бойынша Дастан "Челси" сапына 18 жасқа толған күні ауысады.
Англия премьер лигасына өзбекстандық футболшы да алғаш рет ауысты. Өкінішке қарай Абдукодир Хусанов Манчестер Сити сапында алғашқы ойынында сәтсіз өнер көрсетіп, қақпасына соғылған жылдам голға тікелей себепші болды.
Біреулер келіп, біреулер кетіп қуантып жатыр. Қазақстан ұлттық құрамасының бас бапкері Станислав Черчесов қызметінен кетті. Басы дауға ілігіп, көптен бері жанкүйер наразылығына ұшырап жүрген ресейлік маман ұлттық құрамадан толық жаттықтырушылар штабымен бірге шықты. Келісім-шарт екіжақты өзара келісім бойынша тоқтатылған.
