Алматы метросында зағип жан ажал құшқан қайғылы оқиғадан кейін жолаушылардың қауіпсіздігін қамтамасыз ету мақсатында қоршаулар орнатыла бастады, - деп хабарлайды Massaget.kz.
Алматы метрополитенінің баспасөз қызметі мәліметінше, металл қоршаулар "Момышұлы", "Сарыарқа", "Райымбек", "Мәскеу", "Алмалы" бекеттеріне орнатылған.
Қоршаулар вагондар арасындағы бекіткіштерге қарама-қарсы платформаларда орналасқан. Бұл вагондар тоқтаған кезде жолаушылар жолда құлап кетпеуіне арналған.
