«Эко-сана- елдің өркендеуіне жол». Ақмола облысы Каменка ауылындағы агротехникалық колледжде "Таза Қазақстан" акциясы аясында осындай атаумен экологиялық кездесу өтті. Оған әкімдік, мәслихат өкілдері, оқушылар, сарапшылар мен студенттер қатысты. Оқушылар өздерінің экологиялық бастамаларын мультфильмдер, презентациялар арқылы ұсынды.
СӘУЛЕ ЖАЙЫЛҒАНОВА, САНДЫҚТАУ АУДАНЫ ӘКІМІНІҢ ОРЫНБАСАРЫ:
Сандықтау ауданы бойынша былтыр 156 қоқыс орны анықталды. 3 мыңнан астам ағаш егілді. Көшелерде гүлзарлар санын көбейттік. Ауданымыз жылдан – жылға көркейіп келеді. Сондай-ақ эко волонтерлердің саны артуда. Тағибатты аялауға тек жастар ғана емес, ересектер де ерекше атсалысады.
