Үндістанда белгісіз аурудан кем дегенде 16 адам қайтыс болды. Қайтыс болған адамдардың барлығының миында ісіну бар, - деп хабарлайды Massaget.kz тілшісі "Нindustan Тimes"-қа сілтеме жасап.
Өлім жағдайлары Джамму және Кашмир штаттарында тіркелген. Қайтыс болғандардың барлығы үш отбасының мүшелері екендігі атап өтілді.
Бұл аурумен барлығы 38 адам ауырады. Олардың барлығында белгілер бірдей: қалтырау, жүрек айну, әлсіздік. Қайтыс болған адамдарда мидың ісінуі байқалды.
Мамандар зерттеулер жүргізді және үлгілерден вирустық немесе бактериялық инфекциясы бар науқастарды таппады. Қорытындыларға сәйкес, аурудың себебі токсиннің әсері болып табылады, бірақ нақты токсин анықталмаған.
Осыған қарамастан, билік Джамму және Кашмир штаттарында карантин енгізді. Елді мекендердің аумағы шартты түрде үш аймаққа бөлінді, жергілікті тұрғындарға бұқаралық іс-шараларды өткізуге және қатысуға тыйым салынды. Жергілікті халық тұтынатын барлық тағамды тексеретін офицерлер де тағайындалды.
Белгісіз аурудан адамдар қайтыс болған үйлер мөрленгені атап өтілді.
Ресейде Үндістандағы өлімге әкелетін ауру туралы жаңалыққа жауап берді. Роспотребнадзор бұл мәселе бойынша ақпаратты қадағалап отырғанын атап өтті. Ресей ведомствосы зертханалық база құрып, тәуекелдерді жедел анықтау және шаралар қабылдау үшін мамандар дайындағанын атап өтті.
"Ресей шекарасы арқылы өтетін өткізу пункттерінде жұқпалы аурулардың белгілері бар адамдарды анықтайтын "Периметр" автоматтандырылған ақпараттық жүйесі жұмыс істейді", - делінген Роспотребнадзордың хабарламасында.
