Мемлекет басшысы Қорғаныс министрі Руслан Жақсылықовты қабылдады. Ол Президент Қасым-Жомарт Тоқаевқа былтыр қорғаныс саласында атқарылған жұмыстар туралы есеп берді. Әскерді даярлаудың жаңа тәсілдері мен жауынгерлік дайындықтың жай-күйін баяндады. Кездесу соңында Жоғарғы Бас қолбасшы Қасым-Жомарт Тоқаев министрге армияның жауынгерлік әлеуетін көтеруге, Арнайы операциялар күштерін дамытуға қатысты нақты тапсырмалар берді.
