15-тегі қаршадай қыз ана болды. Соңғы кезде мұндай жағаұстатар жағдай жиілеп барады. Бес жылда ерте жүктілік дерегі 1,5 есе көбейген. Сенатор Нұртөре Жүсіп "көрсек те көрмеген болып, білсек те білмеген болып осылай отыра береміз бе?",-деп ашынады. Жамбыл, Түркістан, Маңғыстау өңіріндегі деректер адамды шошытады. Қалаға қарағанда ауылда тұратын жасөспірімдер арасында белең алған.
НҰРТӨРЕ ЖҮСІП, ҚР ПАРЛАМЕНТІ СЕНАТЫНЫҢ ДЕПУТАТЫ:
Имандылықтың ұясы деп есептелетін ауылдық жерде екі есе артып отыр. Жап-жас қыздарды қорлау да көбейді, тіпті зорлау көбейді. Бұл жағдай да ерте жүктілікке әкеледі. Бірақ көбіне мұндай оқиғалар жабулы күйінде қалып, қыздар ішінен тынып қалады. Көрсек те, көрмеген болып, білсек те білмеген болып осылай отыра береміз бе?"
