Алматының Жетісу ауданындағы мұз айдынында бір топ жасөспірім жабылып, қызды соққыға жыққан, - деп хабарлайды Massaget.kz тілшісі.
Қалалық полиция департаментінің баспасөз қызметінің хабарлауынша, бұл іске қатысты тергеу амалдары жүргізіліп жатыр. Оқиғаға қатысушылар анықталып, полицияға жеткізілді.
"Жанжалдасып қалған екі жасөспірім қыздың да ата-анасы бала тәрбиелеудегі міндеттерін тиісінше орындамағаны үшін әкімшілік жауапкершілікке тартылды", - деп хабарлады Алматы полиция департаментінің баспасөз қызметі.
Қазір оқиғаның басқа да мән-жайы анықталып жатыр.
Видеода жасөспірімдердің жерде жатқан қызды ұрып-соғып жатқанын көруге болады.
Әлеуметтік желілерде осы оқиғадан кейін қыздың көп жарақат алып, ауруханаға жатқызылғаны айтылған. Оның қабырғалары сынып, миы шайқалған және брекеті де сынған көрінеді.
