Қаржы вице-министрі Ержан Біржанов Қазақстанда мобильді аударымдар бойынша мониторинг жасалатын шекті соманы 255 мың теңгеден 1,2 миллион теңгеге дейін ұлғайту мәселесі талқыланып жатқанын мәлімдеді. Бұл туралы Stan.kz ақпарат агенттігі LS порталына сілтеме жасап хабарлайды.
Вице-министрдің айтуынша, қазір мобильді аударымдарды бақылау үшін шекті соманы өзгерту жоспары қарастырылып жатыр.
Жаңа критерий бойынша үш айда ай сайын 100-ден астам төлем жасалып, жалпы сомасы 1 миллион теңгеден асатын аударымдар бақылауға алынады. Бұл көрсеткіш қазір 12 айлық есептік көрсеткішке тең, яғни 1,02 миллион теңге (айына 333 мың теңге).
Біржановтың айтуынша, бұл шешім ұлттық банкпен бірлесіп қабылданған. Қазір тек техникалық жүзеге асыру мәселесі қарастырылып жатыр. Банктерден жауап алынып, жақын арада осы жүйе іске қосылады.
