Дүкен сөрелерінің кемінде 50%-ы отандық өніммен, ал 20%-ы тұрмыстық тауарлармен толтырылуы тиіс. Ең бастысы бұл тауарлар тұтынушылар үшін көрнекі әрі қолжетімді жерде тұруы керек. Бұл туралы сауда және интеграция министрі Арман Шаққалиев айтты. Ол Алматыдағы сауда желілерінің жалпы ассортиментінің елеулі бөлігін қазақстандық өнімдер құрайтынын атап өтті. Әлеуметтік маңызы бар тауарлар, әсіресе сүт өнімдері, жоғары үлеске ие. Мысалы, Алматы дүкендеріндегі сүт өнімдерінің 97%-ы Қазақстанда өндірілген.
АЙДАР ӘБІЛДАБЕКОВ, ҚР СИМ САУДА КОМИТЕТІНІҢ ТӨРАҒАСЫ:
Күнделікті көкөністер жеткізіліп тұрады. Отандық тауар өндірушілермен тікелей келісімшартқа отырып алған. Сондықтан бірнеше отандық тауар өндірушілер тікелей осы сауда желісіне өнімдерін жеткізеді екен. Соның ішінде пияз да бар, картоп та бар.Сәбіз де бар мысалы, қырыққабат та бар. Осының бәрі соның ішінде екен.
