Алматыда Digital Almaty халықаралық форумы басталды. Жиынға Еуразиялық экономикалық Одақ елдерінің Үкімет басшылары, сарапшылар, жер қойнауын пайдаланушылар, бизнес және ІТ-индустрия өкілдері жиналды. Спикерлер жасанды интеллект саласын жетілдіру бойынша өз тәжірибелерімен бөлісуде. Сондай-ақ, жасанды интеллект саласында үздік стартап үшін ауқымды сайыс өтеді. Жиналғандар ІТ-экожүйе саласындағы жобалар туралы тәжірибе алмасып, өнеркәсіптік стартаптар, технопарктер, технологиялық компаниялардың көрмесін тамашалай алады. Сайысқа қатысушылар арасында отандық CODYPLAY страптапы да бар. Оқушылардың айти қабілетін дамытуға арналған веб-платформаны әлемде 1 миллионнан астам бала пайдаланады.
ЖАНӘДІЛ ТАЛДЫБАЕВ, CODYPLAY СТАРТАПЫНЫҢ НЕГІЗІН ҚАЛАУШЫ:
Codiplay- деген ол балаларды қазір актуалды цифрлық дағдыларға үйрететін экожүйе. Қазір біз 13 мемлекетте 600-ден астам мектептерде жұмыс жасап жатырмыз. Келесі айдан бастап, Африканың екі елі Зимбабе, Мазаликке кіретін боламыз. Сол елдерде үлкен сұраныс болып жатыр біздің экожүйемізге. Өйткені өте тиімді және төмен бағада көптеген балаларды біз цифрлық дағдыларына үйрете аламыз.
