Қарағандылық еріктілер жалғызбасты зейнеткердің ауласын қардан тазалады. Оған «АМАNАТ» партиясы жанындағы «Жастар рухы» жастар қанатының белсенділері атсалысты. Надежда Розованың екі аяғына операция жасалған. Жүріп-тұруы оңай емес. Белсенділер ауланы лезде ретке келтірді.
НАДЕЖДА РОЗОВА, ҚАЛА ТҰРҒЫНЫ:
Қашанда көмек қажет пе сұрап отырады. Мен бас тартпаймын. Денсаулығыма байланысты мұндай жұмыстар істеу қиын. Далаға шығуым да оңай емес, тіпті шықпаймын десем болады. Еріктілер бірден келіп ауламды тазалап берді.
Алматы қаласында да «Ардагерлерді ардақтаймыз» акциясы тұрақты түрде өткізіледі. Бұл жолы еріктелер 76 жастағы зейнеткердің ауласын қар мен мұздан тазалады. «Мұндай көмек адамның көңіл-күйін де көтереді», - дейді қария. Жастар мұндай игілікті шара жыл бойы жалғасатынын айтады.
ЕЛАМАН БАҚТҰРАРҰЛЫ, "ЖАСТАР РУХЫ" ЖҚ ТҮРКСІБ АУДАНДЫҚ ФИЛИАЛЫНЫҢ ТӨРАҒАСЫ:
Ардагерлерімізді 9 мамырда ғана емес, жалпы әр күн сайын қадірлеп, олардың бізге жасаған еңбектерін бағалауымыз болып табылады. Бұл акцияның мақсаты жастардың бойындағы патриоттық рухты оятып, отанға деген елге деген ардагерлерге деген құрметті көрсету болып табылады.
