Құтқарушылар бейнебақылау камераларына мониторинг жүргізу барысында балаларды көріп қалған, деп хабарлайды @Pavlodarnews.kz тілшісі.
Облыстық ТЖД баспасөз қызметінің мәліметінше, Ертіс өзенінің орталық жағалауында мұз жиегімен серуендеп жүрген үш жасөспірімді көрген. Балалардың біреуінің аяғы мұздағы бос қуыс жерге түсіп кетіп, жарақат алған.
– Құтқарушылар жедел түрде оқиға орнына келіп, үшеуін де тексеру үшін құтқару станциясына жеткізді. 2012-2013 жылдары туған жасөспірімдер болған. Зардап шегушінің аяғын құтқарушылар қарап, тексеру үшін жедел жәрдем бригадасына тапсырылды, – деді департаментте.
Құтқарушылар қатпаған мұзға шығу қаупі туралы ескертеді. Ата-аналарға балалармен су қоймаларына жақын жерде қауіпсіздік ережелерін түсіндіре отырып, профилактикалық әңгіме жүргізуге кеңес беріледі.
