2024 жылдың күзінде із-түссіз жоғалған Алматы облысының тұрғыны өлі күйінде табылды, деп хабарлайды Azattyq Rýhy.
Оқиғаның мән-жайын Lider.kz еріктілері Instagram-дағы парақшаларында хабарлады.
1994 жылы туған Хамит Айша Мұратбекқызы қарашаның 26-сы күні жоғалып кеткен. Бұл күні ол Еңбекшіқазақ ауданы, Қырбалтабай ауылы, Наурыз көшесі, 6-үй мекенжайы бойынша үйінен шығып кеткен.
Ерекше белгілері: бойы 160 сантиметр, дене бітімі арық, шашы қара ұзын, көзі қоңыр.
Ол қара қысқа күртеше мен ашық түсті хиджаб киген.
Еріктілердің айтуынша, әйел 30 қаңтарда өлі табылған. Оның неден қаза тапқаны әлі анықталмады.
