Оралда 25 жыл бұрын жасалған қылмыс ашылды. Тәртіп сақшылары екі адамды өлтірсе де, әлі күнге бостандықта жүрген күдіктілерді қолға түсірді. Полиция дерегінше, ұсталғандардың бірі - тапсырыс беруші, екіншісі - орындаушы. Ақшаға таласқан олар құрбандарына қару кезенген көрінеді. Осылайша 2000 жылдың желтоқсанында Орал қаласының екі тұрғынын атып өлтіріп, ізін суытқан. Бірақ сол кезде күдіктілерге қатысты тікелей дәлелдер болмағасын, қылмысты ашу ұзаққа созылыпты. Ширек ғасыр бойы жазасыз жүрген екеу енді заң алдында жауап береді. Олардың үстінен «Алдын ала сөз байласу бойынша топтың екі немесе одан да көп адамды өлтіруі» бабы бойынша қылмыстық іс қозғалған.
ҚАНАТ НҰРМАҒАМБЕТОВ ҚР ІІМ КРИМИНАЛДЫҚ ПОЛИЦИЯ ДЕПАРТАМЕНТІНІҢ БАСТЫҒЫ:
Қайғылы оқиғада екі тұрғын оқ жарақатынан қаза тапқан. Тергеу жалғасуда. Заң мен тәртіпті қамтамасыз ету жұмысы ерекше бақылауда
