Астанада лифтте пранк жасаған екі ер адам қамауға алынды. Олар төбелесіп, бір-біріне жалған қару кезенген. Салдарынан жеделсатыға кездейсоқ кірген жігіттердің қорыққан сәті бейнебақылау камерасына түсіп қалған. Күдіктілер тіпті қаруды соларға да тақаған. Кейін атылған дыбыс шығарады. Бұдан шок алған жігіттердің бірі оқ тиді екен деп қайта-қайта денесін ұстайды. Ал екіншісі жерге жатып қорғануға тырысады. Видео әлеуметтік желіде тарады. Пранкерлер 15 тәулікке бас бостандығынан айырылды.
МЕРХАТ ОРАҚБАЕВ, НҰРА АУДАНЫ ПОЛИЦИЯ БАСҚАРМАСЫ ЖПҚБ БАСТЫҒЫНЫҢ МІНДЕТІН АТҚАРУШЫ:
Астана қаласы полиция департаменті осындай заңсыз әрекеттерге қатысты қолданыстағы заңнамаға сәйкес жауаптылық өзгертілетінін ескертеді. Азаматтардың заң талаптарын сақтауға және күмәнді оқиғаларға тап болған жағдайда 102 нөмері арқылы полицияға уақытылы хабарлауға шақырамыз.
.
