«Қазгидрометтің» кейбір қызмет түрлері бәсекелес ортаға берілуі мүмкін. Бұл туралы Мәжіліс депутаттары экология мәселелері жөніндегі заң жобасын таныстыру барысында айтты. Бастама республикалық бюджетке түсетін жүктемені азайтуға мүмкіндік бермек. Сондай-ақ Экологиялық кодекске көміртекті реттеу саласын жетілдіруге бағытталған түзетулер енгізіледі. Қазақстан 2030 жылға қарай көмірқышқыл газының шығарындыларын 1990 жылғы деңгейден 15% - ке азайту жөнінде міндеттеме алған. Бүгінде бұл көрсеткіш 10% - ке қысқарды.
ЕРБОЛАТ САТЫБАЛДИН, ҚР ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ФРАКЦИЯСЫНЫҢ МҮШЕСІ:
Жылына мың тоннадан артық ауаға залал келтіретін компаниялар мемлекеттік заңнамаға байланысты І категория болу керек. Ал бұл компаниялар қазір бізде ІІ категорияда. Сондықтан соларды І категорияға қарастыру жолдары да осы заңда негізгі өзгерістердің бірі.
