"Таза Қазақстан" тек сенбілік секілді тазалық жұмыстарымен шектелмейді. Бұл жолы ауқымды іске оралдық мектеп оқушылары да атсалысып, туған жерге сүйіспеншілігін іспен көрсетті. Олар орманшылар әкелген арша ағашының тұқымын екті. Бұлар - Батыс Қазақстан өңірінің қатал климатына төзімді өскіндер. Енді оқушылар мектептегі биология сабағында өздері еккен 200 түп ағашты үнемі суарып, қалай өркен жайғанын бақылап отырады. Ал бүр жарып таралып өскен көшеттер кейін мектеп ауласына егіледі. Осылайша білім ошағының аумағын үлкен баққа айналдырамыз дейді. Жалпы облыста бес кезең бойынша жүзеге асырылған "Таза Қазақстан" экологиялық акциясына 7 500 астам адам қамтылған.
НҰРЖАН ӨМІРӘЛИЕВ, "ОРАЛ ОРМАН ШАРУАШЫЛЫҒЫ" КММ БӨЛІМ БАСШЫСЫ:
Минералды топырағын егіп, еккеннен кейін мұны 10 күн күн сәулесінде тұруы керек терезенің алдында. Сосын 10 күннен кейін таза су құйылуы керек, жаңбырдың суы, қардың суы. 20 күннен кейін тағы келіп қарап кетеміз. 2 сантиметрге көтерілуі керек. Сосын көтеріліп әбден бәрі өскеннен кейін күзде өзінің ыдысынан алып, жерге егеміз далаға.
ЖАҢЫЛАЙ АРМАТҚЫЗЫ, МЕКТЕП ОҚУШЫСЫ:
Біз әр сенбі сайын сенбілікке қатысып тұрамыз. Ауламызға шығып, гүлдерімізді, ағаштарымызды суарып тұрамыз және бұл тек қана өзіміз үшін де пайдалы. Ол бір жағынан табиғатты тазартып, оттегі алу үшін маңызды.
