Киберполиция интернет алаяқтыққа арналған жабдықтары бар екі шетелдік азаматты ұстады, - деп хабарлайды Massaget.kz.
Киберполиция қызметкерлері Көкшетау және Жезқазған қалаларының прокуратурасымен бірлесіп, заңсыз қызметті жүзеге асыру үшін Қазақстанға келген екі жұмыссыз шетел азаматын ұстады.
"Екі қалада жүргізілген тінту іс-шаралары барысында 128 слоттан тұратын екі sim-box құрылғысы, үш мыңға жуық sim-карта, роутерлер, маршрутизаторлар мен ұялы телефондар тәркіленді. Ұсталғандардың екеуі де уақытша ұстау изоляторына қамалды", - деді ІІМ киберқылмысқа қарсы іс-қимыл департаменті бастығының орынбасары Аслан Ускембаев.
Айта кетейік, жыл басынан бері алаяқтардың 10 ұяшығының қызметі тоқтатылған.
11 адам ұсталды, оның ішінде төртеуі - шетелдік. 36 sim-box жабдығы, 8 мыңнан аса sim-карта, 11 компьютер, 452 usb-модем тәркіленді.
