Қарызға батқан халықты қорғайтын уақыт келді. Ринат Зайытов жұртты емес, банкті басты байлық көретін басшыларды сынады. Депутат «онлайн алаяқтардың» жемтігі болған жандардың жанайқайын айтып, мәселе тым күрделеніп кетті дейді. Беттің арын белге байлағандардың саны артқаны сонша, айналдырған екі айдың ішінде 30-дан аса іс қозғалған. Олардың барлығы дерлік жеке адамның дерегін банк арқылы алған.
РИНАТ ЗАЙЫТОВ, ҚР ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ФРАКЦИЯСЫНЫҢ МҮШЕСІ:
Сәл қиналса мемлекеттен миллиардтап қаржыны қайтарымсыз алатын ойына келген пайыздың өлшемін тағайындап, өз қателіктеріне жауап беруден жалтаратын қайырымсыз банктер қашанға дейін тайраңдамақ? Нақақтан нақақ қарызға батқан халықты қорғайтын уақыт келді. Ата заңымыз бойынша мемлекеттің басты байлығы банк емес, «халық» екенін есіңізге салайын.
