Елімізде алкогольсіз сусын мен шырын шығаратын 350-ге жуық кәсіпорын жұмыс істейді. Олар мемлекеттік бюджет пен одан тыс қорларға 108 млрд теңгеден аса салық түсіруде. Алайда алдағы уақытта салық көлемі артса, тәтті сусын өндірушілер елден кетуі мүмкін, дейді мамандар. Аталған мәселеге орай, елордада отандық индустрияның ел экономикасына әсері туралы кәсіби қоғамдастықтың талқылауы өтті.
ТИМУР ЖАРКЕНОВ, "АТАМЕКЕН" ҰКП БАСҚАРМА ТӨРАҒАСЫНЫҢ ОРЫНБАСАРЫ:
Біз ең алдымен шағын және орта кәсіпкерлікті қолдауға көңіл бөлеміз. Бұл біріншіден. Екіншіден – отандық бизнесті дамытуымыз керек. Бізде қазірдің өзінде басқа елдердің кәсіпорындарымен жоғары бәсекелестік бар. Сондықтан елімізге жаңа технология әкелетін, өндірісті дамытатын жұмыс орындарымен қамтамасыз ететін осындай салаларға көмектесу керек деп есептеймін.
