Ақтау қаласының тұрғындары «AMANAT» партиясына жүгінгеннен кейін жалақыларын алды. Маңдай тер ақшасын жұмыс берушіден ала алмай шаршаған екі әйел мәселенің шешімін табу үшін облыстық филиалдан көмек сұраған. Олар қабылдауға келіп, 500 мың теңгеге жуық алашағы бар екенін айтқан. Депутаттар жұмыс берушімен кездесіп, оған Еңбек кодексінің баптарын түсіндірді. Бүгінде жалақы қарызы толығымен өтелді.
ГҮЛБАХАР ЖАҚСЫМҰРАТОВА, ҚАЛА ТҰРҒЫНЫ:
Мен мейрамханада аспаз болып жұмыс істедім. Жұмыс жағдайына көңілім толмады. Содан кейін жұмыстан шықтым. Одан кейін олар маған айлық жалақымды бермеді. Осы мәселемен «AMANAT» партиясына келдім. Олар маған тез көмектесті.
АБЗАЛ МАРАТ, МАҢҒЫСТАУ ОБЛЫСТЫҚ МӘСЛИХАТ ДЕПУТАТЫ, «AMANAT» ФРАКЦИЯСЫНЫҢ МҮШЕСІ:
Біз партия аппаратының қызметкерлерімен бірлесе отырып жұмыс беруші мен жұмысшының арасында медиациялық қызметтерді жүзеге асырып, екі тараппен кездесіп, сөйлесіп, тиісті жұмыстарды жүргізіп, жұмысшыларды толық қанағаттандыратындай шешімге келдік.
