Елімізде 600 мыңнан астам адам таза суға зәру.Сарапшылар 2040 жылға қарай суға сұраныс тағы артатынын айтып дабыл қағуда. Себебі елімізде ресустарды тиімді пайдалану мәдениеті дамымаған. Жуырда ғана Президент Үкіметтің кеңейтілген отырысында ресурстарды тұтынудың әлеуметтік нормаларын енгізу қажеттігін айтты. Мәселені шешуде қандай жұмыстар атқарылып жатыр? Айдана Қайрат білді.
АЙДАНА ҚАЙРАТ, ТІЛШІ:
Су көбіне 2 жағдайда ысырап болады:
1. Тіс тазалаған уақытта су бұрандасы жиі ашық қалады. 1 минут ішінде құбыр арқылы 10 л су келеді. Бұранданы негізсіз ашпау арқылы бір адам жылына 8 мың л-ге дейін суды үнемдейді.
2. Күнделікті бір отбасы ыдыс жууға 100 л су жұмсайды. Керісінше ыдыс жуатын машина мұны 12 литр сумен-ақ тындырады. Ал сіз жылына 10 мың л-ге дейін суды үнемдей аласыз.
Суды тиімді пайдалануға келгенде халықтың да пікірі әртүрлі.
БЛИЦ-САУЛАНАМА:
- Халыққа әрқашан да суды қалай үнемдеу керек екендігін айтып тұрса, сонда халық түсінеді біледі. Үйде біз бекер суды төге бермейміз
- Мен өзім суды үнемдеймін деп айта алмаймын. Мысалы ауыз суды қалай үнемдейсің?
Еліміздегі өзендердің басым бөлігі- трансшекаралық. Сондықтан олардың жағдайы көрші мемлекеттердің жағдайына тікелей байланысты.
ҒАЛЫМЖАН ҚАМБАРБЕКОВ, ҚР СРИМ СУ ШАРУАШЫЛЫҒЫ КОМИТЕТІ СУ РЕСУРСТАРЫН ПАЙДАЛАНУДЫ РЕТТЕУ БАСҚАРМАСЫНЫҢ БАС САРАПШЫСЫ:
Шардара су қоймасына келіп түсетін судың көлемі 11 млрд текше метрге келісілген болатын. Алайда Сырдария өзеніне бекітілген су көлемінен 33 артық су көлемі келіп түсті.
«Болашақ» бағдарламасына «Гидрогеология», «Су ресурстары» және «Су қауіпсіздігі» секілді су саласының мамандықтары енгізілді. Қазақстандық студенттер шетелде білім ала алады. Магистратура және докторантура бойынша 245 орынға нысаналы квота бөлінді.
СНХ: ДИДАР ЖӘНІБЕКҰЛЫ, ҚР СРИМ ҒЫЛЫМ ЖӘНЕ ИННОВАЦИЯ ДЕПАРТАМЕНТІ СУ ШАРУАШЫЛЫҒЫНДАҒЫ АДАМ РЕСУРСТАРЫН ДАМЫТУ БАСҚАРМАСЫНЫҢ БАСШЫСЫ:
Су шаруашылығының 105 маманы Қытайда екі апталық тренинг – курстарынан өтеді. Былтыр біз мамандармен бірге су тасқынын болжау бойынша 3 реттік тренинг семинар өткіздік. Тренингтер мақсаты су шаруашылығы мамандарын су тасқындарын болжау мәселелерін жаңа тәсілдерін қолдану және практикада енгізу.
Оңтүстік аймақтарда биыл құрғақшылық болдырмау мақсатында су қоймалары толтырылып жатыр.
