"Қазгидромет" РМК мамандары республикамыз бойынша алдағы сейсенбі, 2025 жылғы 18 ақпанға арналған ауа райы болжамын ұсынды, деп хабарлайды Astana TV.
Оған сәйкес, антициклон салдарынан Қазақстан территориясының басым бөлігінде негізінен жауын-шашынсыз ауа-райы күтіледі.
"Тек еліміздің солтүстік-батысында, солтүстігінде атмосфералық фронттардың жылжуына байланысты боран соғып, қар жауады деп күтіледі. Республикамыз бойынша жел соғып, тұман түседі, көктайғақ болады деп күтіледі", – деп нақтылайды "Қазгидромет" РМК.
