Петропавл қаласында кәріз коллекторында жарылыс болып, авариялық бригаданың бес жұмысшысы зардап шекті. Оқыс оқиға үй ауласында болған. Кәріз коллекторындағы ескі құбырды бұзып жатқан кезде газ-ауа қоспасы жарылған. Облыстық денсаулық сақтау басқармасының ақпаратынша, жарақаттанған бес қызметкердің біреуі үйіне емделуге жіберілген. Қалған төртеуі ауруханада жатыр. Оларды күйік шалған. Қазір бұл жағдайға қатысты тергеу басталды.
