Астанада #ҚазақстандаЖасалған байқауының жеңімпаздары марапатталды. Сайысты «Атамекен» Ұлттық кәсіпкерлер палатасы мен TikTok әлеуметтік желісі бірлесіп ұйымдастырған. Мақсат – еліміздегі шағын кәсіпкерлікті қолдап, олардың жобаларын әлеуметтік желі арқылы насихаттау. Байқау былтыр желтоқсан айында өтіп, онда 800-ден аса кәсіпкер бақ сынаған. Үздік деп танылған 4 инновациялық жоба жеңімпаз атанды. Олардың қатарында 8 жылдан бері пластикалық бөтелкені сұрыптау ісімен айналысатын маңғыстаулық Нұрқия Бекниязова да бар. Ол осы уақытқа дейін 10 мың тоннадан аса бөтелкені қайта өңдеуге жөнелткен.
НҰРҚИЯ БЕКНИЯЗОВА, КӘСІПКЕР:
Біздер пластикалық бөтелкелерді сорттап жинаймыз, маркировкасымен, барлығымен. Соны зауытқа переработкаға жібереміз. Бүгінгі шараға енді кәсіпкерлерге үлкен қолдау деп санаймын. Үкіметтен кішкентай болса да осындай сыйлықтармен қуантып жатқанына өте ризамыз.
МҰРАТ ҚАРЫМСАҚОВ, "АТАМЕКЕН" ҰКП ТӨРАЛҚА ТӨРАҒАСЫ ХАТШЫЛЫҒЫНЫҢ БАСШЫСЫ:
Біздің жеңімпаздарымыз көрсетті қандай идеядан бастап сол идеяға энергияны салып, соған барлық күшін салып, міне осындай үлкен-үлкен жобаларды іске асырды. Бұл деген мен ойлаймын, біздің болашағымыз.
