Оралдағы ақпараттық технологиялық колледж атына заты сай емес. Заманауи технологияларды жас буынға меңгертуі тиіс оқу орны көптен бері жібі түзу жөндеу көрмеген. Осының кесірінен есік-терезесінен жел гулеп, шәкірттерге қолайсыздық туғызып отыр. Оралдағы оқу орындарының жағдайын тексерген «AMANAT» партиясының мониторинг тобы осындай кемшіліктерді анықтады. Партиялық бақылау комиссиясы, үкіметтік емес ұйымдар, мәслихат депутаттары және «Жастар Рухы» Жастар Қанатының өкілдерінен осындай 17 тексеру тобы жасақталған. Олар студенттер мен оқушылардың қауіпсіздігі сақталуын, ғимараттың талапқа сай болуы тексереді. Жалпы өңірдегі оқу орындары осыдан екі жыл бұрын да тексерілген. Сол кезде электр желісіндегі ақау, дәретханалардың кемшілігі, бейнебақылау жүйесінің жоқтығы, люктердің ашық-шашық жатқаны анықталған. Осыдан кейін бұл олқылықтардың 90% түзеліпті.
ӘЗИМА ҒҰБАШЕВА, “AMANAT” ПАРТИЯСЫ БҚО ФИЛИАЛЫ ЖАНЫНДАҒЫ ОТБАСЫ ЖӘНЕ ХАЛЫҚТЫ ҚОРҒАУ МӘСЕЛЕЛЕРІ ЖӨНІНДЕГІ КЕҢЕС ТӨРАҒАСЫ:
Мүдделі тараптарға мониторинг барысында берілген ұсынбалар қаралатын болады. Сонымен бірге мониторинг барысында студенттермен жеке кездесулер ұйымдастырып, олардың пікірлері мен ұсыныстарын ескеруге және колледж басшылығының осы мониторингтің барысындағы ұсынбаларын атқарушы органдарға жеткізетін боламыз.
