Қостанай облысында екі жылда 25 ауыл жойылды. Жұмыссыздық.Мектеп жоқ. Жол қатынасы қиын.Жайылым жер тапшы. Тізбектесе түйткіл көп. Шалғайдағы елдімекен тұрғындары сондықтан шарасыз көшіп жатқанын айтады.
ЗАҢҒАР САНАЙ,ТІЛШІ:
Шалғайдағы Құлшықай - шекара шебіндегі елдімекен.Тұсында бұл жерде жүз шақты үй болса, қазір жиырмасы ғана қалған.Жыл сайын тұрғындар үдере көшіп жатыр.
Кезінде ауыл мектебінде жүзден астам бала оқыса, қазір алты ғана оқушы бар. Бастауыш мектепте екі ұстаз білім береді. Ал жоғары сыныптағы 8 бала 20 шақырым жердегі білім ордасына қатынайды.
АҚМАРАЛ МҰҚАНОВА, БАСТАУЫШ МЕКТЕП МЕҢГЕРУШІСІ:
Оқушылардың азаюына байланысты 2022 жылдан бастап бастауыш мектеп боп қалдық. Интернет желісі бізде арвик точкасы бар.бірақ шекараға жақын отырғандықтан дұрыс ауламайды. Көбіне телефонаннан таратып,мобилдік нені қосып солай ақырындап жүріп жатырмыз.
Ауыл халқының ауданға, қалаға үдере көшуіне түрткі болар түйткіл көп. Төрт түлікпен күнелтейін десе,оған да күн бермейді. Былтыр 500-ге жуық ірі қарадан індет анықталып,тұрғындар қорадағы малынан айрылып қалған көрінеді.
СЕРІКБАЙ БАЙМАҒАМБЕТОВ, АУЫЛ ТҰРҒЫНЫ:
Малды ауру шықты деп жойдық, құрттық ғой. Сол отырмыз енді. Жолымызды салып берді.Бәрі жақсы. Жастар жоқ. Біз қалдық және шал – кемпірлер сол.
Ал кезінде алпыстан астам түтін түтеткен Төлеңгіт ауылында қазір он үй қалған. Мектеп,медицина пункті жабылған. 25 адам тұратын елдімекеннің алдағы уақытта картадан жойылу қаупі бар.
БАҒДАТ ҚҰСНЕТОВ, АУЫЛ ТҰРҒЫНЫ:
Жұмыс жоқ. Содан ел көшті бәрі де. Мектеп жабылды. Боран болса мында арам өлеміз. Медпункт деген затымен жоқ бізде. Көшкіміз келмейді. Туған жеріміз, ата-анамыздың бағып қаққан жері. Сол шаңырақты ұстап отырмыз.
Кейінгі жылдары облыста 25 ауыл жабылған.Соның жетеуі- осы Меңдіқара ауданына қарасты мекен. Аудан басшылары халыққа жағдай жасап жатырмыз дейді.Бірақ көш тоқтамай тұр.
СЕРІК МУСАПИРОВ, МЕҢДІҚАРА АУДАНЫ ӘКІМІНІҢ ОРЫНБАСАРЫ:
Ауылдық округ аумағында шекара заставасын құру және құрылыс жұмыстары жүргізіліп жатыр. Фельдшерлік пункті жаңғыртуға қаражат бөлінді. Жол салынды. Бірақ ел көшіп жатыр.Әсіресе жастар тұақтамайды.
Статистикаға сүйенсек облыстағы ауыл халқы 300 мыңнан асады.Жыл сайын сегіз мың тұрғын ауып жатыр.Үдере көшу тоқтамаса алдағы он жыл бедерінде ауылда адам қалмауы мүмкін.
АЙБЕК ҒАЛЫМЖАНОВ, ҰЛТТЫҚ СТАТИСТИКА БЮРОСЫ ҚОСТАНАЙ ОБЛЫСТЫҚ ДЕПАРТАМЕНТІНІҢ БАСШЫСЫ:
2024 жылы облыстан тыс жерлерге қоныс аударған 15759 адам бар. Олар еліміздің басқа өңірлеріне, ТМД және әлемнің басқа да елдеріне көшіп кетті. Ауылдық жерлерден көшу едәуір басым. Қоныс аударғандар саны 8 мыңға жуық. Ал қалалық жерлерде 2647 адам.
Кейінгі екі жылда елімізде сексен ауыл келместің кемесіне мінген. Мәжіліс депутаттары да дабыл қағуда. Ауылдық аумақтарды, әсіресе шекара маңындағы елдімекендерді дамыту мәселесін көтеріп, мемлекет тарапынан кешенді іс-шара жүргізу керек дейді.
