Қызылжарда мүмкіндігі шектеулі жастар арасында “XXI ғасыр көшбасшысы” атты сайыс өтті. Шара «Кедергісіз келешек» партиялық жобасы аясында ұйымдастырылған. Қатысушылар- Қозыбаев университеті мен жергілікті колледждердің студенттері. Сайыста 10 жас өзара сынға түсті. 3 кезеңде олардың білімі мен тапқырлығы сыналды. Мүмкіндігі шектеулі дарынды жастардың сайысына «Amanat» партиясының “Болашақ” филиалы және «Ардос-Жүрек» қоғамдық ұйымы мұрындық болды.
АЛЕКСАНДР ЗЕЛЬ, “AMANAT” ПАРТИЯСЫ СҚОФ “БОЛАШАҚ” ФИЛИАЛЫНЫҢ АТҚАРУШЫ ХАТШЫСЫ:
Біздің басты мақсатымыз “Кедергісіз келешек” партиялық жобасы аясында мүгедек жандардың белсенділігін ояту. Жастар қатарластарынан қалмай, өз-өзін дамытуы тиіс, уақытын босқа кетірмеуі керек. Сондықтан осы сынды шаралар жыл сайын өткізіліп отырады.
