Қостанайда тұздалған қияр жеген азамат ажал құшты. Рудный қалалық ауруханасына Түркістан облысынан келген үш адам ботулизм диагнозымен түскен. Өкінішке қарай, олардың біреуі көз жұмған. Лабораториялық зерттеулер науқастардың ағзасында жүйке жүйесін зақымдайтын қауіпті у – ботулотоксин бар екенін растады. Мамандардың айтуынша, уланудың көзі – Түркістан облысынан әкелінген тұздалған қияр банкісі. Сондықтан жергілікті тұрғындар арасында ботулизмнің таралу қаупі жоқ дейді. Бұл жағдай соңғы 15 жылда өңірде алғаш рет тіркеліп отыр.
